البنج هو الزمن اللي بتاخده باكت الداتا من لحظة ما تطلع من عندك لحد ما توصل لهدفها و يرجع لك رد انها وصلت بالسلامةو هو غالبا اقل من ثانية لكن في مصر كل شئ ممكن و ناس كتير بتكسر الثانية مرتاح
و اللي بيتحكم فيه هو جودة و كفائة الاجهزة و الوصلات بينك و بين النقطة اللي عايز تتصل بيها + المسافة بين النقطتين اللي بتوصل ما بينهم
مثلا التوصيل في البيت ما بين الاجهزة بال wifi بسبب ارتفاع طفيف في البينج و بيزيد لو الاشارة ضعيفة او المسافة كبيرة لكن حتلاقي انك لو وصلت بسلك غالبا البينج حيكون اقل من مللي ثانية واحد
و بعدين المعلومات تروح السنترال و ممكن من سنترال للتاني لحد ما توصل شركة النت و منها للخط الدولي و من خط لخط و ربما من قارة لقارة لحدما توصل للهدف و كل ده بيضيف وقت لحد ما المعلومات توصل
العامل الاكبر هو الاجهزة و التوصيلات مش المسافة لان البينج من غرب الولايات المتحدة الي اوربا اقل من 150 مللي ثانية و داخل الولايات المتحدة اقل من 50 مللي لجميع انحاء الدولة و احنا من مصر الي فرنسا و غرب اوربا البينج 150 و للولايات المتحدة اكتر من 250 في احسن الاحوال و داخل مصر من شرق لغرب القاهرة ممكن تكون من 30 - 80 مللي برغم فارق المسافة الكبير بين الولايات المتحدة و اوروبا الا ان كفاءة الاجهزة و الخطوط هي اللي عملت الفرق الشاسع بينا و بينهم
يأثر عليك سلبا في حالة زيادته في ايه :في اللعب الاونلاين و في محادثات الشات بالصوت و بالفيديو
في التصفح و التحميل مالوش تأثير ملحوظ غير ان بعض الصفحات ممكن تاخد ثانية او اتنين لحد ما تظهر في البراوزر
احيانا يصاحب زيادة البنج تسقيط باكات packet loss و ده بسبب زيادة في زمن اتمام عملية نقل الداتا بسبب تكرار محاولة نقل البيانات او تقطيع و تكسير في الصوت و الفيديو و ربما corruption او مشكلة في الاتصال في بعض التطبيقات
ازاي ممكن تقلله : في جزء عليك و هو ان البينج من الراوتر لجميع اجهزة الشبكة يكون اقل ما يمكن و الباقي علي الشركة و ده انت مالكش دخل بيه و لا تحكم فيه و اللي تقدر تعمله لو الشركة فيها مشكلة في البينج انك تغيرها و مش شرط ده يحل المشكلة لان ممكن السنترال يكون عليه ضغط
الرقم المعقول هو اقل من 200 مللي ثانية و يفضل اقل من 100 للالعاب الاونلاين و 300 ماشي لو مش حتلعب اونلاين
و ده موقع لو عايز تختبر البينج لاي مكان في العالم
Pingtest.net - The Global Broadband Quality Test
ان كنت قد وفقت فمن الله وان كنت أخطات فمن نفسى والشيطان
الرجاء الدعاء لى بالتوفيق والنجاح الدائم
شركه ميجا لخدمات الانترنت والشبكات ومبيعات اجهزه الوايرلس جمله وقطاعى
م/ احمد العربى
دمياط - الزرقا - شرمساح
الجروب الخاص بنا على الفيس بوك
موبايل (01027258929)
0 تعليقات على " يعني ايه ping وايه الافاده منه "