ملخص مؤتمر LG في معرض MWC 2016

خلص من ساعة بظبط مؤتمر LG في معرض MWC و اللي كان مخصص للاعلان عن هاتفها الرائد الجديد LG G5 ,, و اللي هيكون منافس قوي جدا لهاتف سامسونج جالكسي اس 7 اللي هيعلن عنه كمان 3 ساعات ,,

نتكلم شوية عن المؤتمر في المجمل ,, كان في قمة التنظيم و الاحترافية و لو اتفرجت علي المؤتمر مكنتش هتحس بملل خالص لأنه كان فيه تفصيل للمميزات و في نفس الوقت انجاز في الوقت تقريبا المؤتمر مكملش 40 دقيقة كاملة ,, ( اظن سوني محتاجة تتعلم ازاي تعمل مؤتمرات الحقيقة لأنها من اسوء الشركات اللي بتعمل مؤتمرات 

‏‎grin‎‏ رمز تعبيري

المؤتمر كان عبارة ان رئيس الشركة بيطلع يتكلم عن الحاجة الجديدة و بعدين يشتغل فيديو دعائي لها و بعدين ضيف يدخل يتحاور مع رئيس الشركة علي الحاجة اللي بيقدموها و من ضمن الضيوف دول كان مدير شركة كوالكوم ,,

اعلن في المؤتمر عن هاتف LG G5 و مش بس كدا و كمان اصدقاءه ! 

الموبايل مليان انبهارات اولها انه يعتبر اول موبايل يستخدم الModular Design بمعني تاني تصميم الوحدات 

‏‎grin‎‏ رمز تعبيري

 بردو مش فاهم ؟! 

اقولك انا بقالنا فترة بنسمع عن مشروع ارا من جوجل اللي هدفه تعمل موبايل مكون من وحدات كتير ( وحدة الكاميرا وحدة البطارية و انت بتركب الوحدات اللي علي مزاجك ) ..

شركة LG اخذت الفكرة و نفذتها مع البطارية عملت موبايل معدن بالكامل لكن الجزء اللي تحت يعتبر وحدة بتتفصل و هي لازق فيها البطارية تقدر بكل بساطة تشيلها و تركبها تاني ,, مش بس كدا ! لا ده كان فيه اضافات انت لو عايز تقلب موبايل لكاميرا و تصور احسن فتقدر تركب واحدة خاصة بالتصوير بتخلي الموبايل يتمسك بشكل احسن في التصوير و تزود البطارية لحد 4000 ميلي امبير عشان تقدر تصور احسن .. 

و اضافة تانية بتشيل الجزء اللي تحت بالبطارية و تركبها و هي بتقلب موبايلك لانها تديك صوت احترافي ..

بس كدا ؟! 

لا طبعا 

‏‎grin‎‏ رمز تعبيري

 ,, عشان ده هاتف رائد فشركة LG قدمت مجموعة من اصدقاء الهاتف و هي اضافات بتحسن تجربة الهاتف بشكل كبير جدا و ده كان شئ ممتع جدا ,, اول حاجة كانت نظارة LG 360 VR و هي تعتبر اخف و اصغر نظارة VR و اوضح في الصورة كمان هي شكلها زي النظارة العادية و بتتني زيها بس دي مش زي الباقي بتحط موبايلك فيها لا ,, دي بتربط النظارة بالموبايل عن طريق سلك و تستمتع بعالم تاني من الخيال !

بس كدا ؟! لا بردو فيه كمان كاميرا صغيرة اسمها LG 360 Cam و دي بتخليك من خلال الموبايل تقدر انك تصور فيديوهات 360 بكل وضوح و بكل سهولة و كمان بدقة 2K و 3 ميكروفنات يعني وضوح صوت رائع !

مش كدا بس الشركة كمان قدمت لينا روبوت صغير اسمه LG Rolling Bot و هو كورة صغيرة بتسيبها في البيت فيها كاميرا بتقدر تراقب البيت و بتتحكم فيها من خلال موبايلك و كمان ممكن من خلالها تتحكم في كل حاجة في البيت و تدور علي بنتك كمان ! 

‏‎grin‎‏ رمز تعبيري

 .. يعني لو ابنك بيصيع عليك و بيستخبي هتقفشه 

‏‎grin‎‏ رمز تعبيري

 ,, 

طيب لو عندك قطة ؟ ممكن تلاعبها من خلال الروبوت ده بردو 

‏‎grin‎‏ رمز تعبيري

 ,, و تصور مين اللي دخل و اللي خارج عن طريق كاميرات المراقبة اللي فيها اللي مربوطة بالشبكة بتاعتك ..

ده كله بالاضافة الي سماعات Hand Free عادية و بلوتوث عالية الجودة عشان تجربة الموبايل تكمل !

دي كانت الاضافات اللي في الموبايل 

‏‎grin‎‏ رمز تعبيري

 طيب و الموبايل نفسه بقي ؟! 

المواصفات اليومين دول مبقتش حاجة مهمة نتكلم فيها لأننا وصلنا لمرحلة مبقاش الفلاجشيب مواصفات لأنهم كلهم زي بعض تقريبا في الناحية دي ,,

لكن بردو جي 5 قدم لينا معالج سنابدرجون 820 القوي جدا و رام 4 جيجا من نوع DDR4 و 32 جيجا مساحة تخزين من نوع UFS .. كمان بيقدم 16 ميجا كاميرا و 8 امامية ,,

بس الكاميرا هنا مختلفة شوية و هي كاميرا ثنائية و ده بيخليك ممكن تستخدم عدسة واسعة اوي تصور بيها كمان عدسة ضيقة و بيحسن الZoom بشكل ممتاز جدا ,, حسب الشركة فهي بتقدم زواية تصوير اكبر 1.7 مرة من الموبايلات المنافسة !

الكاميرا فيها اضافات سوفتوير كتير مفيش مجال دلوقتي نتكلم فيها و هنتكلم فيها في وقت تاني 

‏‎grin‎‏ رمز تعبيري

 ,,

كل ده بالاضافة الي مستشعر بصمة و كمان بطارية 2800 ميلي امبير و اللي هي تعتبر ضعيفة نسبيا كرقم مقارنة بالجي 4 اللي كان 3000 و كان وحش ,, لكن ربما يكون الشركة لقيت الحل الاخير للبطارية ,, نستني التجربة ..

بعد كل ده فسعر الموبايل هيكون بين 650 ل 700 دولار يعني بنتلكم يعني علي 5000 جنيه ل 5600 جنيه ( ده طبعا بسعر الدولار الرسمي اللي هو 7.8 لكن لو بنتكلم سوق سودا و سعر الحقيقي 

‏‎grin‎‏ رمز تعبيري

 اللي هو وصل 9 جنيه فهيكون السعر 5900 ل 6300 جنيه مصري ) 

بردو الي حد كبير جدا سعر ممتاز مقابل اللي قدمه الموبايل من اضافات ,,

و طبعا مش محتاجين نقول انك عشان تستفيد بكل الاضافات دي لازم تشتريها

‏‎grin‎‏ رمز تعبيري

 ..

و ده كان ملخص مؤتمر LG اللي كان مليان انبهارات ( احنا ننبهر بس نشتري لا